Tiniyak ng provincial government ng Agusan del Sur na nasa huling yugto na ang paghahanda ng Agusan del Sur para sa kauna-unahang pag-host nito ng Palarong Pambansa.
Sa kasalukuyan, nasa 97.25% na ang antas ng kahandaan ng lalawigan, kung saan pito na lamang na playing venues ang sumasailalim sa finishing touches.
Inaasahang darating ang mga unang delegasyon sa darating na May 13, bilang paghahanda sa pormal na pagbubukas ng kompetisyon sa Mayo 24 sa Patin-Ay Sports Complex.
Inamin ng gobernador na naging hamon sa preparasyon ang pagtaas ng presyo ng bilihin, masamang panahon, at krisis sa suplay ng krudo.
Gayunpaman, tiniyak ng DepEd Central Office na magbibigay sila ng tulong para sa transportasyon ng mga atleta upang maibsan ang problema sa mataas na airfare.
Nanindigan ang pamahalaang panlalawigan na tuloy na tuloy ang Palaro, at kinumpirma na lahat ng rehiyon sa bansa ay lalahok sa nasabing prestihiyosong sporting event.
