Ilang linggo matapos ianunsyo ang kanyang relasyon kay Batangas Vice Governor Mark Leviste, muling nagbigay ng pahayag ang TikTok personality na si Aira Lopez tungkol sa kanilang 28 years na agwat ng edad.
Hindi raw kasi niya maintindihan kung bakit nananatiling isyu ang age gap sa relasyon.
Binigyang-diin ni Aira na mas pinahahalagahan niya ang pagkakaroon ng "mature" na kapartner.
Aniya, mas gusto niyang makipag-date sa isang mature, matalino, masipag, at respetadong tao, kaysa sa isang taong kaedad niya na hindi kayang tratuhin ng maayos ang isang babae.
Kasunod ng pahayag, ibinahagi niya rin ang mga kwento ng kanyang followers na may kaparehong storya nila ni Vice Gov. Leviste.
Kung maalala, naging opisyal ang dalawa noong nakaraang buwan.
Noong Valentine's Day, nag-celebrate ang dalawa sa Hong Kong para sa isang overnight trip.
