Pinaghahandaan na ni Pinay tennis star Alex Eala ang kanyang pagsabak sa WTA 1000 Miami Open, na gaganapin sa Florida, USA simula ngayong araw hanggang March 29.
Malapit sa puso ni Eala ang Miami Open dahil dito nagsimula ang ilan sa mahahalagang tagumpay sa kanyang professional career.
Matatandaang umabot si Eala sa semifinals ng nasabing torneo noong nakaraang taon, kung saan napatumba niya ang ilang bigating pangalan sa mundo ng tennis.
Sa kasalukuyan, nasa No. 32 sa WTA official rankings ang Filipina tennis star.
Susubukan niyang ipaglaban o malampasan ang kanyang Semifinals appearance sa Miami Open noong 2025.
