Pinabulaanan ng social media personality na si Andrea Brown ang mga kumakalat na balitang siya ay nagdadalang-tao at may lihim na relasyon sa actor na si Enrique Gil.
Sa pamamagitan ng mensaheng ipinadala niya kay Ogie Diaz, mariing itinanggi ni Andrea ang mga sumusunod na nabuntis o "nagpalaglag" umano siya.
Nilinaw din ni Andrea na "Kuya Quen" ang tawag niya sa aktor at itinuturing lamang niya itong kuya-kuyahan.
Wala rin umanong katotohanan na sila ay nakatira sa iisang bubong.
Gayunpaman, sinabi umano ni Brown na naaapektuhan na ang kanyang personal na buhay at ang career ng aktor kaya napilitan siyang magsalita.
Nagsimula ang kontrobersya noong nakaraang taon nang kumalat ang mga sweet photos ng dalawa, kung saan kinuwestiyon ng ilang netizens ang edad ni Andrea na umano’y minor pa noong mga panahong iyon.
Sa kabila ng mga pagtanggi nina Andrea at Enrique, nananatiling hati ang opinyon ng publiko. kaugnay dito.
Dagdag pa ni Ogie Diaz, ayon sa kanyang source, tila hindi pabor ang ina ni Enrique sa nasabing social media personality.
Sa ngayon, umaasa si Andrea na ang kanyang pahayag ay magbibigay-linaw sa isyung patuloy na nagiging sentro ng usapan sa social media.
