Pighayag kan Albay Provincial Health Office na igwa na ki apat na kaso ki pinagtutubudang measles an probinsya kan Albay base sa pinakaultimo nindang datos.
Segun sa intrevista kan Brigada News FM kay Mikee Jheia Salomon, Disease Surveillance Officer kan Provincial Epidemiology and Surveillance Unit, nairehistro ini sa primer distrito partikularmente sa Tabaco, Bacacay, asin Sto. Domingo. Dugang pa kaini, suspected pa man sana ini sa ngunyan asin pighahalat pa an mismong resulta para makumpirmar ini.
Mientrastanto, kaibahan sa mga sintomas kan measles na dapat bantayan iyo an kalintura, rashes, abo, sipon o mapulang mata.
