Isang 14-anyos sa Dallas, Amerika ang tinatawag na tech prodigy dahil sa kaniyang nakakamanghang imbensiyon.
Si Siddarth Nandyala kasi ay nakapag-develop ng Circadian AI - na isang mobile app na kayang maka-detect ng heart-related conditions sa loob lamang ng ilang segundo.
Ginagamit ng Circadian AI ang heart sound recordings mula sa smartphone upang matukoy ang mga posibleng problema sa puso na may 96% accuracy.
Para sa mga nagtatanong kung legit ba ito? Huwag mag-alala dahil nasubukan na rin ito ng mahigit 15,000 na pasyente sa US at 700 sa India.
Kinilala si Siddarth bilang isa sa pinakabatang certified AI professional sa buong mundo.
