Inaprubahan ng Broard of Trustees ng University Athletic Association of the Philippines (UAAP) ang rekomendasyon ng Board of Managing Directors na huwag munang pahintulutang makiisa sa mga league activities ang lahat ng Ateneo de Manila University coaching staff members na kasama sa Aurora incident noong June 8.
Ito ay sa gitna ng nagpapatuloy na imbestigasyon sa pangyayari kung saan nasawi ang 2 student-athletes.
Sa isang pahayag, sinabi ng UAAP na target ng hakbang na ito na matiyak ang integridad ng nagpapatuloy na pagsisiyasat sa nangyari, at upang masiguro ang full transparency, at due process.
Samantala, itinakda na nito sa July 15, 2026 ang deadline para sa pagsusumite ng official findings ng Ateneo de Manila University sa insidente.
Ayon sa UAAP, committed itong sumunod sa sariling rules at proseso kung saan ang mga ginagawa ng isang Member-University at ng mga dawit na personalidad ay malalimang sisiyasatin ng ibang member schools.
Idiniin din nitong ang pananagutan ay dapat matukoy sa pamamagitan ng resulta ng malalim, at impartial na imbestigasyon.
Sa huli ay muling nakiramay ang UAAP sa mga naulila ng student-athletes, at nanawagan ng hustisya para sa insidente.
