Sugatan ang isang babaeng swimmer matapos atakihin ng pating sa isang beach sa Sydney.
Ayon kay New South Wales Ambulance Inspector Mike Corlis, nagtamo ang babae ng malaking sugat sa binti at braso, at nangangailangan ito ng surgery.
Batay sa ilang saksi, nakakita sila ng "massive pool of blood" sa tubig, habang may isang babaeng tila naglalangoy.
Dahil sa insidente, sarado muna sa loob ng 24 oras ang Coogee Beach.
Ayon kay council Mayor Dylan Parker, makikipag-ugnayan sila sa New South Wales government para sa instruction hinggil sa muling pagbubukas ng beach.
Mababatid na kamakailan, patay ang isang lalaki matapos ding atakihin ng pating habang nangingisda sa baybayin sa bahagi ng Western Australia.
Maliban dito ay may ilan pang naitalang insidente ng shark attack sa mga karating lugar.
