Nagulat at halos hindi makapaniwala ang mga staff ng Wat Rat Prakhong Tham Temple sa Nonthaburi, Thailand, nang matuklasan nilang buhay pa pala ang isang 65-anyos na babae na inakala nang patay at nakasilid na sa kabaong.
Ayon sa temple manager na si Pairat Soodthoop, nakarinig sila ng mahihinang katok mula sa loob ng ataul habang pinag-uusapan ang cremation ng babae.
Nang buksan nila ito, nakita nilang bahagyang kumikilos ang kamay at ulo ng matanda.
Batay sa kapatid ng babae dalawang taon na itong nakahiga dahil sa karamdaman ngunit isang araw ay inakala umano nila na hindi na ito humihinga kaya inilagay na nila ito sa kabaong at dinala sa ospital sa Bangkok.
Dahil sa kakulangan ng official death certificate, tinanggihan ang organ donation at cremation, kaya dineretso na siya sa templo.
Ayon kay Pairat, posibleng matagal nang kumakatok ang babae sa loob ng kabaong, ngunit ngayon lang narinig ng mga staff.
Agad naman itong isinugod sa ospital, at ipinangako ng pamunuan ng templo na sasagutin nito lahat ng gagastusin sa gamutan ng matanda.
