Opisyal nang ipinakilala ng 1Z Entertainment ang kanilang kauna-unahang girl group na Xonara sa gitna ng sold-out concert ng SB19 na “Wakas at Simula: The Trilogy Finale” na ginanap sa Paranaque City.
Unang humarap sa publiko ang pitong miyembro ng grupo na sina Eurekah, Ella, Dominique, Tin, Megumi, Lei, at Namie.
Itinanghal nila ang kanilang original song na “Uy Tabi Tabi,” na sila rin mismo ang sumulat at bumuo.
Ayon sa grupo, isang pangarap na natupad ang kanilang unang pagtatanghal sa harap ng libu-libong manonood. Inilarawan din nila ang karanasan bilang “overwhelming,” lalo na sa mainit na pagtanggap ng fans ng SB19 na kilala bilang A’TIN.
Dagdag pa ng Xonara, ang kanilang debut performance ang nagsilbing simula ng kanilang journey sa industriya ng musika.
Nakatakdang mag-official debut ang grupo sa May 15, kasunod ng mga naunang hakbang ng 1Z Entertainment sa pagbuo ng kanilang roster, kabilang ang girl group search noong 2024 at trainee auditions noong 2025.
Kung maalala, ang founder at owner ng 1Z Entertainment ay ang miyembro ng SB19 na sina Pablo, Josh, Stell, Ken, and Justin.
