Nababahala ang lokal na pamahalaan ng Pantukan, Davao de Oro sa shooting incident na naganap sa labas ng Kolehiyo ng Pantukan ngayong araw.
Sa isang pahayag, sinabi ng local government unit na tinitiyak nito sa publiko ang commitment sa paggawa ng lahat ng kinakailangan para sa mga biktima at kanilang mga pamilya.
Nakikipag-ugnayan din umano ito sa iba't ibang ahensya upang masuportahan ang nagpapatuloy na imbestigasyon, at upang mapapanagot ang lumabag sa batas.
Sa huli, siniguro nito na ang kaligtasan ng mga mag-aaral at residente ang siyang nananatiling prayoridad.
