Inilabas na ng Bureau of Internal Revenue (BIR) ang pinakabagong listahan ng mga gamot na exempted sa value-added tax (VAT).
Sa pinakahuling Revenue Memorandum Circular ng BIR, inaprubahan ang listahan ng mga produktong hindi sakop ng 12 percent VAT-exempt alinsunod sa Tax Reform for Acceleration and Inclusion Law at Corporate Recovery and Tax Incentives for Enterprises Act.
Kabilang sa circular ang mga gamot para sa hypertension, mental illness, diabetes, at high cholesterol.
Sa kabuuan, walong gamot ang nadagdag sa listahan, apat dito ay para sa diabetes, dalawa para sa high cholesterol, at tig-isa naman para sa hypertension at mental illness.
Matatandaan na noong Disyembre ng nakaraang taon, nadagdagan din ng 16 na VAT-exempt na gamot para sa cancer, diabetes, at mental illness.
Samantala, noong Enero 2019 naman ipinatupad ng gobyerno ang VAT exemption para sa mga reseta ng gamot na ginagamit sa sakit sa puso at diabetes.
