Pinalitan niya si PBGEN Paul Kenneth Lucas, na matagumpay nagserbisyo sa rehiyon sa loob ng walong buwan at labing-anim na araw. Si PBGEN Wanky ay isang beteranong opisyal, tubong Buguias, Benguet, nagsilbi siya bilang Chief of Staff ng Philippine National Police Academy, Deputy Regional Director for Operations ng NCRPO, Director ng PNP Aviation Security Group at Regional Director ng Western Visayas.
Tiniyak naman ni PBGEN Wanky na ipagpapatuloy ang mga nasimulang inisyatibo ng PRO 4A at ang kanyang buong suporta sa tatlong haligi ng pamumuno ng PNP na mabilis na serbisyo, pagkakaisa at pananagutan.
Samantala, si Police Brigadier General Paul Kenneth Lucas naman ay ngayo’y nanunungkulan bilang Deputy Regional Director for Administration ng National Capital Region Police Office.
