Patuloy pa ring binabantayan ang isang low pressure area sa labas ng Philippine Area of Responsibility (PAR)
Ayon sa PAGASA, huling namataan ang sentro ng LPA sa layong 1,240 kilometro, silangan ng Hilagangsilangang Mindanao.
Ang trough, 'o 'yung buntot/extension ng LPA ang magdadala ng mga kalat-kalat na pag-ulan na may kasamang kidlat at kulog sa Eastern Samar, Leyte, Southern Leyte, Dinagat Islands, at Surigao del Norte.
Sa ngayon, mayroon lamang itong 'mababang' tiyansa na mag-develop bilang isang ganap na bagyo.
Sakali mang magtuloy ito bilang isang tropical depression at pumasok ng PAR, tatawagin itong bagyong Auring, ang unang bagyo sa taong 2025.
Una nang sinabi ng weather bureau na posible ang hanggang 19 na mga bagyo na papasok sa bansa mula Hunyo hanggang Nobyembre.
