CAMARINES SUR — Makararanas lamang ng pag-uulan ang ilang bayan sa Partido Area sa Camarines Sur at hindi direktang tatama ang kasalukuyang binabantayang Bagyong Kristine sa loob ng Philippine Area of Responsibility.
Ayon kay Typhoon Specialist Mike Padua, nagbago aniya kasi ang track ng sama ng panahon subalit dahil sa malaking circulation nito, papaulanin ang ilang bahagi ng Camarines kasama na ang ilang bayan sa Partido Area.
Samantala, kung lalakas naman ang Hanging Amihan posible itong makaapekto sa paghina ng bagyo pero nakadepende pa ito. Sa ngayon, asahan ang katamtaman hanggang malakas na pag-ulan na may kasamang kidlat at malalakas na hangin sa ilang na lugar sa Camarines Sur at Bicol Region.
