Paulit-ulit na tinaga ang isang 68-anyos na barangay tanod sa San Rafael, Rodriguez, Rizal. Binidyuhan mismo ng suspek ang krimen gamit ang sarili nitong cellphone.
Sa paunang imbestigasyon, huling nakita sa tindihan ang biktimang si Bert Javier na kasama ang suspek na si Victor Enavia, 33-anyos at isang negosyante.
Sa hindi pa matukoy na dahilan, ilang beses nitong tinaga si Javier gamit ang matalim na sandata.
Agad na rumesponde ang mga pulis ng Rodriguez MPS sa ulat ng isang concerned citizen. Naabutan nilang sugatan at wala nang malay si Javier kaya’t isinugod ito sa Ynares Hospital, subalit idineklara na itong dead on arrival.
Naaresto ang suspek sa mismong barangay.
Isinuko naman ng kanyang live-in partner ang cellphone na ginamit ng suspek sa pagbibidyo ng krimen.
