Kinondena ng Bureau of Fisheries and Aquatic Resources (BFAR) ang isa na namang mapanganib na aksyon ng China Coast Guard (CCG) laban sa dalawang civilian vessels ng Pilipinas na nagsasagawa ng routine maritime scientific research mission sa Pag-asa Cay 2.
Ito ang unang pagkakataon na nang-harass ang China sa naturang area.
Sa isang statement, sinabi ng BFAR na kahapon ay naglayag ang BRP Datu Sanday at BRP Datu Pagbuaya para sa routine mission kasama ang sienctific team.
Mangongolekta sana ang mga ito ng sand samples bilang bahagi ng pag-aaral.
Kasunod nito, sinagi at binomba na naman ng tubig ng CCG vessel 21559 ang BRP Datu Sanday, dahilan para magtamo ito ng pinsala.
Sa kabila ng pambu-bully na ito ng China, nakumpleto ng Philippine scientific team ang operasyon sa katubigan.
Ayon sa BFAR, nananatili itong committed sa integridad, sustainable na fisheries management, at pagtatanggol sa interes ng bansa sa WPS.
#
