Nag-viral sa social media ang laban ng Mapúa University at Ningbo University of China matapos itong mauwi sa suntukan sa gitna ng 13th Asian University Basketball Championship (AUBC) na ginanap sa campus ng TUP sa Ermita, Manila.
Nagkagirian ang mga manlalaro bandang kalagitnaan ng ikatlong quarter matapos ang isang rebound battle. Dito na nagpalitan ng suntok ang mga players, at hindi na ito napigilan ng mga game officials.
Dahil sa lumalang kaguluhan, nagpasya ang mga opisyal na itigil na ang laro. Hindi pa naglalabas ng pahayag ang dalawang koponan, maging ang mismong liga hinggil sa insidente.
Sa ngayon ay nananatiling walang talo ang Mapúa sa week-long tournament na nilahukan ng anim na koponan: Ningbo University, De La Salle University–Dasmariñas, Universitas Islam Indonesia, Mapúa University, Philippine Normal University, at host school Technological University of the Philippines (TUP).
