Target na alisin ni dating PNP Chief, Senador Ronald Bato Dela Rosa ang kakayahan ng mga local chief executives na makapamili ng mga pulis na magsisilbing provincial director, city director at chief of police.
Para magawa ito, iminungkahi niya na tanging mga promotion board na lang ng Philippine National Police ang magmungkahi ng mga uupo sa pwesto para mapanatili ang merit system.
Depensa naman ni Dela Rosa, hindi niya ito nagawa sa mga nakaraan niyang termini dahil mayroong hindi sang-ayon dito.
Sa kanyang tantiya, mukhang nais daw ng mga ito na makontrol ang PNP kaya ayaw nilang suportahan ang mungkahi niyang amyenda.
