CAUAYAN CITY - Isinailalim na sa State of Calamity ang Cabagan, Isabela matapos aprubahan ng Sangguniang Bayan ang Municipal Resolution No. 46-01 series of 2024 dahil sa malawakang pagbaha bunsod ng bagyong Nika.
Dahil dito, binibigayan ng otorisasyon ang local finance committee na gamitin ang limang bahagdan ng Municipal Disaster Risk Reduction and Managament fund para sa relief assistance sa mga residenteng naapektuhan ng bagyo.
Nakasaad pa rito na dahil sa sunod-sunod na bagyo ay Malaki ang napinsala mga pananim ng magsasaka ng mais, palay at gulay na nasa vegetative stage na maging ang pag-apaw ng tubig sa mga fishponds.
Asahan naman ang prize freeze sa presyo ng mga bilihin na awtomatikong ipinapatupad sa mga lugar na isinailalim sa state of calamity.
