Pinapaalalahanan ng Philippine National Police Biocl ang publiko na mag-ingat sa mga pinagtitiwalaan lalo na’t dumarami na ang mga kasong may kinalaman sa Anti-Photo and Video Voyeurism Act o ang iligal na pagpapakalat ng sensitibong mga larawan at videos ng isang tao.
Matatandaang ilang linggo pa lamang ang nakakaraan noong maitala ang isang aksidenteng kinasasangkutan ng tren at ikinamatay ng isang dalagita sa Barangay Inarado, Daraga, Albay.
Naniniwala ang pamilya na sinadya ng biktimang humiga sa riles at magpasagasa sa tren.
Nito lamang nakaraan, nabuksan ng pamilya ang cellphone ng biktima at nadiskubre roon na tinatakot ito ng dating kasintahan na ise-send diumano ang mga hubad na larawan sab ago nitong manliligaw na posibleng dahilan kung bakit nagawa iyon ng biktima.
Sa panayam ng Brigada News FM Legazpi kay PLt. Carl Michale Camba, Operations Officer ng Regional Anti-Cybercrime Unit 5, sinabi niya na wala pa namang complaint na nakakarating sa kanilang tanggapan ukol sa kaso ng biktima.
Subalit nagpaalala naman si Camba na: maging aware sa mga ina-accept sa social media; palakasin ang password para sa seguridad; huwag magpadala o mag-upload ng sensitibong mga larawan at videos online; at iwasan ang basta-bastang pagki-click ng mga link upang hindi mabiktima ng phishing.
Samanatala, kapag nabiktima naman, huwag umanong magdalawang-isip na humingi ng tulong sa mga otoridad.
