Lumobo pa sa mahigit 200 ang bilang ng mga nasawi sa Ebola outbreak sa Democratic Republic of Congo (DRC).
Ayon sa Ministry of Health ng DRC, umabot na sa 204 ang bilang ng kumpirmadong nasawi mula sa 867 na pinaghihinalaang kaso ng sakit sa tatlong probinsya sa eastern Congo.
Kabilang sa mga nasawi ang ilang bata, habang ang mga refugee sites sa karatig-bansa na Uganda ay lampas na rin sa kapasidad dahil sa pagdagsa ng mga lumikas.
Dahil sa patuloy na pagtaas ng mga kaso, nagbabala ang Africa Centres for Disease Control and Prevention na posibleng kumalat pa ang sakit sa mas maraming bansa sa Africa.
Tinatayang sampung bansa na ang itinuturing na “at risk,” kabilang ang Angola, Burundi, Central African Republic, Republic of Congo, Ethiopia, Kenya, Rwanda, South Sudan, Tanzania, at Zambia.
Kaugnay nito, patuloy namang mino-monitor ng mga awtoridad ang sitwasyon habang isinasagawa ang mga hakbang upang mapigilan ang lalo pang pagkalat ng virus sa rehiyon.
