Tumaas ang bilang ng mga walang trabaho sa bansa sa pagsisimula ng 2025.
Sa datos ng Philippine Statistics Authority, umabot sa 2.16 milyon ang bilang ng mga Pilipinong walang trabaho.
Mas mataas mula sa 1.63 milyon noong December 2024.
Ayon sa PSA, ang pagtaas ng bilang ng mga walang trabaho ay isang pangkaraniwang pattern matapos ang holiday season, kung kailan bumababa ang demand para sa seasonal workers.
Sa kabila ng pagtaas ng unemployment rate, patuloy ang pagsisikap ng pamahalaan na mapabuti ang kalagayan ng labor force sa bansa sa pamamagitan ng iba’t ibang programa at inisyatiba upang lumikha ng mas maraming trabaho at oportunidad para sa mga Pilipino.
