Tumaas ang bilang ng mga Pilipinong walang trabaho noong December 2025.
Ayon sa Philippine Statistics Authority (PSA), umakyat sa 2.26 million ang bilang ng mga unemployed Filipinos.
Mas mataas ito sa 2.25 million unemployed Filipinos noong November 2025; at 1.63 million noong December noong isang taon.
Sa kabila nito, napanatili pa rin ang unemployment rate sa 4.4%.
Naitala naman sa 8% ang underemployment rate, o yung bilang ng mga taong may trabaho, pero naghahanap pa ng extra-work, 'o dagdag na oras ng paggawa.
Samantala, naitala naman sa 64.4% ang labor force participation rate, habang 95.6% naman ang employment rate noong Disyembre, o katumbas ng 51.69M mgha Pilipino edad 15-years old at pataas.
Mas mataas ito sa 51.52M noong November 2025.
