SENSTITIBONG BALITA: Pumanaw na ang 18-anyos na lalaki na bumaril umano sa isang 15-anyos na babaeng estudyante sa loob ng isang paaralan sa Sta. Rosa, Nueva Ecija.
Kung maalala, naganap ang krimen nang sumugod ng paaralan ang suspek upang tangkaing kausapin ang bikitma.
Nauwi ito sa pamamaril, at maging ang suspek ay binaril ang kanyang sarili.
Lumalabas sa imbestigasyon na dating magkasintahan ang dalawa.
Tinitingnan ng pulisya na “crime of passion” ang motibo, dahil posibleng hindi natanggap ng suspek ang pakikipaghiwalay ng biktima.
Mariing kinondena naman ng Department of Education (DepEd) ang insidente at sinabing hindi katanggap-tanggap ang anumang uri ng karahasan sa loob o paligid ng paaralan.
Nakipag-ugnayan na ang Schools Division Office ng Nueva Ecija sa lokal na pamahalaan at mga awtoridad para sa masusing imbestigasyon at upang mapanagot ang mga responsable.
Kasabay nito, nagbigay ng psychosocial support at stress debriefing ang DepEd sa mga apektadong estudyante at guro, pati na rin ng tulong sa pamilya ng mga biktima.
