Ngayong patuloy na tumataas ang kaso ng dengue sa bansa, naglabas ng healthy food options ang lokal na pamahalaan ng Muntinlupa para mabilis na makarekober sa oras na tamaan ng naturang sakit.
Una na rito ang pag-inom ng coconut water o buko juice.
Prone kase sa dehydration ang sakit na dengue at ang pag-inom ng buko ay makatutulong upang mabalanse ang electrolytes sa katawan.
Mayaman din ito sa salts at minerals.
Bukod sa pag-inom ng buko juice, advice din ng mga doktor ang pagkain ng oatmeal.
May taglay kase itong carbohydrates na makatutulong upang mapanumbalik ang tamang balanse ng katawan.
Maganda rin daw sa may dengue ang pagkain ng mayroong herbs and spices gaya ng turmeric, luya, bawang, paminta, cinammon, at nutmeg.
Nagsisilbi kase itong anti-inflammatory, antifungal, antiviral, antimicrobial, at antibacterial na makatutulong para mas mapalakas ang immune system.
Mainam din daw na kumain ng papaya dahil napapadami nito ang platelet count ng may sakit na dengue.
Pinakahuli sa lahat ang pagkain ng brocolli dahil mayaman ito sa vitamin K at nakakapagpataas din ng platelet count.
Pero para mas mapabilis ang pagrekober, dapat din daw sabayan ang pagkain ng mga ito tamang medication at lifestyle change.
