Muling nag-alboroto ang Bulkang Taal sa lalawigan ng Batangas nang makapagtala ito ng 9 volcanic earthquakes kabilang ang 2 volcanic tremors nitong Linggo ng umaga, Oktubre 26.
Ayon sa PHIVOLCS, bukod sa pagyanig ay nakapagtala rin ang bulkan ng dalawang minutong minor phreatomagmatic eruption at nagbuga ng plumes na umabot sa 2,000 metro ang taas mula sa crater ng bulkan.
Matatandaan na nauna nang nagkaroon ng phreatic eruption ang bulkang taal kaninang alas-2 ng madaling araw, na sinundan ng isa pang phreatomagmatic eruption bandang alas-2:55 hanggang alas-2:56 ng madaling araw.
Sa kabila nito, nananatili namang nakataas sa Alert Level 1 ang bulkan, kaya't mahigpit na ipinagbabawal sa publiko ang pagpasok sa permanent danger zone dahil sa posibleng banta ng pagsabog, pagsingaw ng gas, volcanic earthquakes, at minor ash fall.
