Isang 18-anyos na buntis ang binawian ng buhay matapos maguhuan ng lupa ang kanyang bahay sa Sitio Lip-atan, Barangay Guinaoang, Mankayan, Benguet.
Kasunod ito sa sunod-sunod na pag-ulan sa lugar.
Ang biktima'y walong buwan nang nagdadalang tao.
Ayon sa imbestigasyon, na-trap ito sa loob ng bahay habang natutulog.
Tanging nanay ng biktima at mga kapatid lamang ang nakaligtas sa naturang landslide.
Agad namang rumisponde ang Bureau of Fire Protection (BFP) at Local Disaster Risk Reduction and Management Office sa lugar.
Nadala pa sa ospital si Khate pero idineklara na itong dead on arrival.
Kaya naman paalala ng mga otoridad na manatiling alerto, lalo na sa mga prone area na madalas bahain tuwing tag-ulan.
