Iginiit ni Senador Alan Cayetano na prinsipyo ang ipinaglalaban ng kanyang kampo at hindi kapangyarihan at posisyon.
Kaugnay nito, kung mayroon na raw labingtatlo ang New Majority Bloc para sa pagbabago ng liderato ay kino-congratulate niya ang mga ito.
Pero sa kabila nito, ipinunto ni Cayetano na kung ganito man ang sitwasyon ay alam nilang nakuha ang bilang na ito sa pamamagitan ng pananakot at maging panunuhol.
Ayon pa sa kanya, kung sakali man na maalis sa kanya ang pwesto ay mananatili pa rin naman sila sa pagtindig sa kanilang prinsipyo.
Samantala, kung makuha man daw ng mga ito ang 13 ay napatanong na lang ang senador kung buburahin na ba ang flood control hearing o gagawin ba itong front at center ng kanilang institusyon.
Ngayong umaga, tumanggi muna si Acting SP at Senate President Pro Tempore Win Gatchalian na sagutin ang tanong kung magkakaroon ba ng posibleng 'change of leadership' bukas kasunod ng kanilang gagawing special session.
