Naghain ngayong araw ng petisyon sa Korte Suprema ang kampo ni Senador Alan Cayetano laban sa grupo ni Senador Win Gatchalian.
Ang mga petitioners dito ay ang magkapatid na Cayetano at maging sina Senador Jinggoy Estrada, Senador Christopher 'Bong' Go, Senador Rodante Marcoleta, Senadora Imee Marcos, Senador Robin Padilla, Senadora Camille Villar at maging si Atty. Jose Luis Montales.
Kapansin-pansin naman na wala sa listahang ito sina Senador Joel Villanueva at Senador Mark Villar.
Base sa walumpu't pitong pahinang petisyong ito, panalangin nina Cayetano na mapawalang bisa ang nangyari noong June 3 kung saan ng nagkasa ng sesyon ang Gatchalian bloc at naihalal sa pwesto si Senador Win Gatchalian bilang bagong SP Pro Tempore.
Binakante rin sa naturang sesyon na ito ang lahat ng mga komite bagamat nagkaroon ulit ng paghalal sa ilang senador kung saan si Senador Erwi Tulfo ang itinalaga bilang bagong chairman ng Blue Ribbon Committee.
Hiling din ng mga ito na kilalanin at ideklara na si Sen. Alan pa rin ang nanatiling Senate President habang si Legarda naman ang SP Pro Tempore
Ayon pa rito, dapat ding kilalanin ang petitioner na si Montales bilang Senate Secretary pa rin ng institusyon.
#
