Nanindigan si Senate President Alan Peter Cayetano na siya pa rin ang legitimate, legal, moral Senate President kasunod ng nangyaring palitan ng committee chairmanship sa isinagawang sesyon ng Senado ngayong Miyerkules, June 3.
Sa isang Facebook Live, tinawag ni Cayetano na isang “illegal coup d’état” ang naganap na balasahan sa Senado.
Aniya, walang legal na batayan para magtalaga ng isang acting Senate President dahil nananatili siyang may kakayahang gampanan ang kanyang tungkulin.
Kasabay nito, tiniyak din niya na tuloy pa rin ang itinakda nilang pagdinig bukas tungkol sa flood control scandal, taliwas sa sinabi ng bagong halal na chairman ng komite na si Senador Erwin Tulfo.
