Isang 28-anyos na Chinese national ang naaresto matapos umanong mag-alok ng isang Mitsubishi Expander kapalit ng pagpapalaya sa kanyang kaibigan na nakakulong, sa loob mismo ng Ermita Police Station sa Maynila.
Ayon sa ulat ng NCRPO, lumapit ang suspek sa presinto bandang alas-7:45 ng gabi noong Miyerkules upang alamin ang kaso ng kapwa Chinese national.
Sa halip na maayos na makipag-usap, tinangkang suhulan ng suspek ang mga intelligence operatives.
Agad na kumilos ang mga pulis at inaresto siya, ngunit naging marahas ang suspek—nagbitiw ng mura at dalawang beses na nanuntok ng isang pulis habang pilit na umaalma sa pagkakaposas.
Nang beripikahin, lumabas na ang sasakyan ay nakarehistro sa ibang pangalan.
Nasa kustodiya na Manila Police District General Investigation Section ang suspek para sa tamang proseso.
