Nagsagibo an Municipal Engineering Office kan Guinobatan, Albay nin Phase 1 clearing operation nganing haralion an mga nagkaralay-kalay na kable asin purutulon an mga sanga na nakakaantos na sa mga mayor na dalan sa nasabing na bawaan.
Katuwang sa sinagibong operasyon kasusarong semana an manlain-laing telecommunications company asin an Bureau of Fire Protection nganing mas magin maray an paglilinig. Segun sa lokal na gobyerno, obheto kaining gibuhong mas salbado asin mas madaling maagihan nin emergency responders an mga kritikal na dalan sa oras nin sakuna.
Pinasalamatan man kan LGU an gabos na mga katuwang na ahensya asin an pagsabot kan mga residente mantang pigsasagibo an operasyon.
Photo: MEO Guinobatan
