Target ng Commission on Election (COMELEC) na magtayo ng 110 na mga technical at repair hubs sa iba’t ibang parte ng bansa para sa darating na 2025 election.
Ayon sa tagapagsalita ng COMELEC na si Director Rex Laudiangco, target nilang mapabilis ang pagaayos kung merong automated counting machine na magka aberya sa araw ng eleksyon.
Hindi anya tulad noon na kailangan pang ibyahe sa kanilang warehouse sa Laguna ang mga nagma-malfunction na makina.
Ang mga itatayong technical at repair hubs ay kaya nang i-cover ang 82 provinces at mga isla sa buong Pilipinas, dito na rin ilalagay ang mga contingency ACM.
Maliban dito plano rin ng COMELEC na kada voting center ay merong technician, upang madaling maaksyunan ang anumang aberya.
