NAGA CITY – Nagsimula nang mangampanya ang mga kandidato sa lokal na posisyon kahapon Marso 28, 2025 bago ang election sa darating na Mayo 12, 2025.
Ang mga aspiranteng kandidato sa lungsod ng Naga City at ikatlong distrito ng probinsya, maagang dumalo ng misa bago nagsimulang maglibot sa pangangampanya sa kani-kanilang nasasakupan.
Ayon kay COMELEC Naga City Officer Atty. Maico Julia Jr., opisyal nang kandidato ang mga kandidato sa lokal kung kaya sila ay patuloy na nagpapaalala sa mga ito na iwasan masangkot sa election violation at sundin lamang ang guidelines ayon sa fair election act.
Kasabay nito isinagawa rin ng ahensya ang simultanious operation baklas katuwang ang iba’t ibang mga ahensya.
Samantala tatagal ang Campaign period hanggang Mayo 10 isang araw bago ang eleksyon.
