Naglabas ng ilang paalala ang Commission on Elections (COMELEC) para sa mga kandidato kaugnay ng pagsisimula ng campaign period sa darating na February 11 sa National positions at March 28 naman sa local positions.
Kabilang sa mga paalalang ito ang pagbabawal sa pangangampanya tuwing Semana Santa, partikular na sa Huwebes Santo at Biyernes Santo, gayundin sa bisperas at mismong araw ng eleksyon.
Pinaalalahanan din ng COMELEC ang mga kandidato na sumunod sa itinakdang alituntunin sa paggamit ng election propaganda, kabilang ang tamang sukat ng campaign posters at streamers, pati na rin ang itinakdang oras at limitasyon sa gastos para sa campaign materials sa broadcast media.
Mababatid na ang lahat ng patakarang ito ay nakapaloob sa COMELEC Resolution No. 11086.
