Hahainan ng ethics complaint sa Kamara ni Atty. Ferdinand Topacio si Quad Committee Co-Chair Rep. Dante Fernandez.
Si Topacio ang tumayong legal counsel ni Cassandra Li Ong, na siya namang iniuugnay sa ilegal na POGO.
Ang isasampang reklamo ay dahil umano sa unparliamentary conduct sa mga pagdinig.
Iginigiit ni Topacio na nalabag ni Fernandez ang karapatan ng kanyang kliyente gaya ng rights to consel.
Dulot daw ito ng "conduct unbecoming of a House member" kabilang ang paglabag sa karapatan ng testigong si Cassy at ang hindi tamang pananalita laban sa kaniyang kliyente.
Hindi kasi pinahintulutan ang abogado na makalapit kay Ong habang nagkakaroon ng hearing.
Handa naman si Fernandez na harapin ang reklamo.
Ayon kay Fernandez, sasagutin niya ang lahat ng paratang sa kanya.
Gayunman, tumanggi munang magkomento ang mambabatas dahil hindi pa niya nababasa ang nasabing complaint.
Hindi naman masabi ng kongresista kung bakit siya ang tinutumbok ni Topacio gayong may mga kasamahan din itong House leaders.
