Cong. Terry Ridon, hindi raw tatantanan hanggat 'di nakukulong ang konsehal na nagbanta sa kanya

Hindi bibitawan ni Bicol Saro Party-list Rep. Terry Ridon ang hakbang laban sa isang konsehal ng Sultan Kudarat na umano’y nagpadala ng banta sa kanya.

Sa panayam ng Brigada NewsFM Manila kay Ridon, iginiit nitong seryso ang usapin ng pagbabanta, lalo na kung nagmula ito sa isang halal ng pamahalaan.

Sa post ni Ridon kamakalawa, ibinahagi niya ang screenshot ng isang message mula sa isang 'Ton Celestial' kung saan, sinabi niyang 'pag nasapak ko mukha mo ewan ko nalang'.

Pero, sa isang pahayag, sinabi ng staff ni Celestial na 'na-compromise' lang daw, 'o na-hack ang account nito.

Sabi ni Ridon, hindi niya ito tatantanan hangga't hindi ito humihimas ng rehas.

Bilang hakbang, nakikipag-ugnayan na siya sa Cybercrime Investigation and Coordinating Center (CICC) para sa agarang imbestigasyon.

Sa susunod na linggo naman ay makikipag-ugnayan na rin ang mambabatas sa Deparment of the Interior and Local Government (DILG) para masilip kung dapat ba itong maharap sa suspension bilang isang local official.
#