Nasagip ng mga awtoridad ang isang babaeng Philippine freshwater crocodile o Crocodylus mindorensis sa isang sapa sa Barangay San Isidro, Kidapawan City, Cotabato.
Ayon sa Department of Environment and Natural Resources (DENR), ang nasabing buwaya ay kabilang sa mga critically endangered species at isa sa mga pinakananganganib na uri ng buwaya sa mundo.
May haba itong 5.7 talampakan at timbang na 35 kilo, at walang nakitang sugat nang masuri ng wildlife rescuers.
Dinala ang reptilya sa University of Southern Mindanao Wildlife Rescue Center para sa obserbasyon bago ito pakawalan sa angkop na tirahan.
