Isinulong ni Senador Win Gatchalian sa ikalawang round ng kanyang paghahain ng panukalang batas sa Senate Bills and Index Section ang 'Teacher Salary Increase Act'.
Layunin ng panukalang batas na ito na mabigyan ng dagdag na P20,000 na sahod ang mga gurong nagtuturo ng elementarya at sekondarya sa pampublikong paaralan.
Ang dagdag sahod na ito ay ipapatupad sa kasalukuyang Standardization Law at hindi dapat ma-interpret bilang exemption mula sa mga sunud-sunod pang pagtaas ng sahod ng mga government employees.
Ayon sa senador, sa pamamagitan nito ay mapapabuti ang social at economic status ng mga public school teachers.
Matatandaan, maliban kay Gatchalian, naghain din ng dagdag na P10,000 sahod para sa mga guro si Senador Bam Aquino pero by tranch ang pamamahagi nito.
