Epektibo na simula ngayong Huwebes, April 16, ang dagdag-sahod para sa mga minimum wage earner sa Central Luzon.
Batay sa bagong wage order na inapruhan ng Regional Tripartite Wages and Productivity Board, may kabuuang dagdag na P50 hanggang P80 sa sahod na ipinatupad sa ikalawang tranche.
Sa non-agriculture sector sa mga probinsya ng Bataan, Bulacan, Nueva Ecija, Pampanga, Tarlac, at Zambales, itinaas ang minimum wage mula P570 sa P600.
Para naman sa mga manggagawa sa agricultural sector, tumaas ang sahod mula P540 sa P570, habang ang nasa retail at service sector ay nadagdagan mula P560 ay naging P590.
Samantala, sa Aurora, itinakda ang minimum wage sa P560 para sa non-agriculture sector, P545 sa agriculture, at P515 naman para sa retail at service workers.
Inaasahang magbibigay ginhawa ang dagdag-sahod na ito upang maibsan ang epekto ng patuloy na pagtaas ng presyo ng langis at iba pang pangunahing bilihin sa libu-libong manggagawa sa rehiyon.
