Nasawi ang isang 14-anyos na dalagita matapos matuklaw ng banakon o king cobra sa isang sapa sa Barangay Batian, Maitum, Sarangani nitong Hulyo 13.
Ito ay habang pinoprotektahan ang kaniyang tatlong batang pinsan.
Ayon sa tiyuhin ng biktima, papunta sana sa sapa ang magkakapatid na magpipinsan nang biglang sumulpot ang ahas at tangkang atakihin ang mga bata.
Agad na niyakap ng dalagita ang kaniyang mga pinsan upang mailayo sa panganib, ngunit siya ang natuklaw sa likod.
Nakauwi pa ang biktima at nai-kuwento pa sa kaniyang pmailya ang nangyari bago siya isinugod sa pagamutan.
Gayunpaman, hindi na siya umabot nang buhay.
Nagpaabot naman ng tulong ang lokal na pamahalaan sa naiwang pamilya ng biktima, habang pinaalalahanan ng mga awtoridad ang publiko na agad magpagamot sakaling makagat ng ahas upang mabigyan ng tamang lunas.
