Tinawag ni Defense Secretary Gilberto Teodoro Jr. na "baseless" at "ludicrous" ang sinasabi ng ilang mga academics na pag-aari ng China ang Batanes.
Ayon kay Teodoro, isang panganib na pinaniniwalaan ng mga Chinese citizens ang claim na ito.
Aniya, brainwashed ang mga tao – bagay na dapat labanan, at hindi dapat hayaan na lang.
Lahat umano ng mga academics sa mundo ay dapat pabulaanan ang naturang teorya dahil isa lang itong kalokohan.
Kapag hindi raw kasi pinatulan ang "kasinungalingang" ito, uulit-ulitin lang ng China ang ganitong gawain, at posible pang baguhin ang kasaysayan.
Kasabay nito ay idiniin ni Teodoro na ang false claims na ito ay magpapatatag ng nagkakaisang aksyon laban sa "irresponsible behavior" ng China.
Samantala, sinabi rin niyang ang pag-aaral na ginawa ng mga academics ay nagba-validate ng kanyang suspetsya na may plano ang China na magkaroon ng kontrol sa Pacific Ocean.
