Tumaas pa ang kaso ng dengue na naitala sa Quezon City.
Batay sa datos ng Quezon City Epidemiology and Disease Surveillance Division, umabot na sa kabuuang 2,874 ang dengue cases sa lungsod mula January 1 hanggang July 2 ng kasalukuyang taon.
Bagama't mas mababa ito ng 50 porsyento kumpara sa 5,776 kaso sa kaparehong panahon noong nakaraang taon, nananatiling mataas ang bilang ng mga nagkakasakit.
Kabilang sa mga barangay na may pinakamaraming naitalang dengue cases ay ang District 2 na may 1,021 na kaso, District 5 na may 453 na kaso, at District 6 na may 402 na kaso.
Samantala, nakapagtala rin ang lungsod ng 15 dengue-related deaths ngayong taon.
Dahil dito, nanawagan ang QC LGU sa publiko na agad magtungo sa pinakamalapit na health center kung nakararanas ng mga sintomas tulad ng lagnat, pagsusuka, pananakit ng ulo, o pamumula ng balat.
Hinihikayat din ang aktibong pakikilahok ng mga pamilya, paaralan, at barangay sa sama-samang laban kontra dengue.
