Umapela ang Department of Environment and Natural Resources (DENR) ang publiko na magtipid ng tubig sa gitna ng banta ng super El Niño na maaaring makaapekto sa bansa.
Ayon sa DENR, mahalaga ang sama-samang pagkilos upang matiyak ang sapat na suplay ng tubig para sa mga tahanan, ospital, at iba pang mahahalagang serbisyo.
Hinimok ng ahensya ang mga mamamayan na paikliin ang oras ng pagligo, patayin ang gripo kapag hindi ginagamit, ayusin ang mga tumutulong tubo, at gumamit ng recycled water o naipong tubig-ulan kung maaari.
Nanawagan din ang DENR sa mga lokal na pamahalaan, negosyo, at mga kabahayan na magpatupad ng mga hakbang sa water conservation upang mapagaan ang posibleng epekto ng matinding tagtuyot.
