Nagpalabas ng babala ang DENR–Mines and Geosciences Bureau (MGB) sa posibleng pagguho ng lupa at pagbaha sa 1,396 barangay sa bansa, kasunod ng banta ng nagbabadyang Super Typhoon Bavi na tatawaging Bagyong Inday, sakaling pumasok sa PAR.
Dahil dito, pinayuhan ang publiko, partikular na ang mga nakatira sa mga mabababang lugar, at malapit sa mga ilog, na maging mapagmatyag sa pagtaas ng antas ng tubig at agad na iulat sa kanilang barangay ang anumang senyales ng paggalaw ng lupa tulad ng mga bitak sa bahay, sahig, o mga nakatagilid na poste.
Sa ngayon, patuloy pa ring binabantayan ng weather bureau ang galaw ng bagyo na posibleng maging ika-siyam na bagyo na papasok sa bansa.
