Mariing pinaalalahanan ng Department of Education (DepEd) ang publiko na matagal nang umiiral ang polisiya na nagbabawal sa paggamit ng gadgets ng mga estudyante habang may klase o sa oras ng instructional hours.
Ang paglilinaw na ito ay kasunod ng muling pag-usbong ng usapin sa paggamit ng gadgets sa paaralan, matapos maghain si Senate President Sherwin Gatchalian ng kaparehong panukalang batas.
Ayon sa DepEd, malinaw na dati pa na-implement ang naturang batas at pinapayagan lamang ang paggamit ng mga gadget kung ito ay para sa layuning pang-edukasyon o sa oras ng emergency, alinsunod sa DepEd Order No. 006, s. 2026 o Guidelines on Ensuring Safe and Motivating Learning Environment.
Dahil dito, hinikayat ng kagawaran ang mga paaralan na paigtingin ang information at advocacy campaigns upang isulong ang ligtas at responsableng paggamit ng internet at mga gadget.
Mababatid kasi na muling ipinaalala ng DepEd ang umiiral na polisiya kasunod ng sunod-sunod na insidente ng karahasan sa mga paaralan.
