Kinilala ng Pilipinas ang nangyaring "peace deal" sa pagitan ng US at Iran.
Ito ay kasunod ng ilang buwang gulo sa Middle East.
Sa isang pahayag, sinabi ng Department of Foreign Affairs (DFA) na pinasasalamatan nito ang naging tungkulin ng Pakistan, Qatar, Egypt, Saudi Arabia, Turkiye, at ng iba pang partners sa pagsusulong ng mga ito ng diyalogo, at mapayapang resolusyon sa giyera.
Dagdag pa nito, naging malala ang epekto ng Middle East conflict dahil nagdulot ito ng pagkawala ng buhay, sumira sa mga imprastraktura, at nagdulot ng hamon sa ekonomiya.
Umaasa umano ang DFA na ang kasunduang ito ay hahantong sa pangmatalagang pagtigil ng labanan, at makatutulong sa kapayapaan.
Una nang sinabi ni Pangulong Ferdinand Marcos Jr. na umaasa siyang magtutuloy-tuloy ang ceasefire agreement sa pagitan ng Iran at Estados Unidos.
