May mga hindi umanong nagtutugmang detalye sa mga testimonya ng mga Ateneo players at coaches kaugnay ng imbestigasyon sa pagkamatay nina Rene Baterbonia at Divine Adili sa tinawag na team-building activity sa Aurora.
Ayon kay Interior and Local Government Secretary Jonvic Remulla, humarap sa mga imbestigador ang head coach na si Tab Baldwin at iba pang opisyal ng koponan upang ilahad ang kanilang bersyon ng mga pangyayari.
Sinabi ni Remulla na may mga pagkakaiba sa salaysay ng mga coach at players. Aniya, nasa dagat ang ilang players habang nasa pampang naman ang mga coaches.
Dahil dito, patuloy na pinagsasama-sama at sinusuri ng mga imbestigador ang lahat ng testimonya upang makabuo ng isang conclusive report.
Binigyang-diin din ni Remulla na mahalagang bahagi ng imbestigasyon ang testimonya ni Baldwin.
