Ibinahagi ng singer-actress na si Jessa Zaragoza ang kalagayan ngayon ng kanyang asawang si Dingdong Avanzado.
Sa social media post ni Jessa, June 22 pa lamang nang magsimula silang magpabalik-balik sa ospital dahil sa kinakaharap na health challenges ng asawang si Dingdong.
Bagamat hindi diretsang tinukoy ng singer-actres ang sakit ng asawa, sinabi naman nito na isa sa dahilan ng pagkaka-ospital ng asawa ay para sa recovery mula sa isang surgery.
Nagpasalamat naman si Jessa sa lahat ng kapamilya at kaibigan na dumalaw, nagpadala ng pagkain, at nanalangin para sa mister.
Maliban diyan, ay pinasalamatan din niya ang medical team ng asawa, kasama ang mga doktor, cardiologist, urologist, at infectious disease specialist.
Umapaw naman ang comment section ng mga encouraging messages, at panalangin para kay Dingdong mula sa mga kapwa celebrity, kaibigan, at mga fans.
